ஹைதராபாத்: சர்வதேச சந்தையில் ஏற்பட்ட நெருக்கடியைத் தொடர்ந்து உரங்களின் விலை கடுமையாக உயர்ந்துள்ளதாலும், நாட்டில் உர விநியோக சங்கிலியில் குறிப்பிடத்தக்க முன்னேற்றம் ஏற்பட்டதாலும், இந்த ராபி பருவத்துக்கான உர மானியத்தை மத்திய அரசு இரட்டிப்பாக்கியுள்ள நிலையில், இன்னும் சில மாநிலங்கள் விநியோகிக்க போதுமான உரம் இல்லாமல் நெருக்கடியில் உள்ளன.
2022 ஆம் ஆண்டு அக்டோபர் மற்றும் நவம்பர் மாதங்களில் ராஜஸ்தானின் 9 லட்சம் மெட்ரிக் டன் யூரியாவின் தேவைக்கு ஒப்புதல் அளிக்கப்பட்டிருந்தது. ஆனால் 4.65 லட்சம் மெட்ரிக் டன் மட்டுமே விநியோகிக்கப்பட்டிருந்தது. இது தேவை மற்றும் விநியோக சங்கிலியில் கடுமையான நெருக்கடிக்கு வழிவகுத்தது. 3.20 லட்சம் மெட்ரிக் டன் டிஏபி தேவைக்கு 2.15 லட்சம் மெட்ரிக் டன் டிஏபி மட்டுமே வழங்கப்பட்டிருந்தது.
ராஜஸ்தான் மட்டுமல்ல, பீகார் மற்றும் ஹிமாச்சல பிரதேசம் போன்ற முக்கிய விவசாய மாநிலங்களும் உரத்தின் இந்த தேவை மற்றும் விநியோக இடைவெளியால் நெருக்கடியை எதிர்கொள்கின்றன. HIMFED (ஹிமாச்சலப் பிரதேச மாநில கூட்டுறவு சந்தைப்படுத்தல் மற்றும் நுகர்வோர் கூட்டமைப்பு லிமிடெட்) 8 ஆயிரம் மெட்ரிக் டன் உரங்களின் தேவையை கேட்டிருந்த நிலையில், வெறும் 8 ஆயிரம் டன்கள் மட்டுமே வழங்கப்பட்டுள்ளது 12 லட்சம் விவசாயிகளை நெருக்கடியில் தள்ளியுள்ளதாக Etv Bharat இல் கிடைக்கும் புள்ளிவிவரங்கள் காட்டுகின்றன.
"ராபி பருவத்தில் விதைப்பு நேரத்தில் உரங்கள் கிடைக்காதது கோதுமை, பட்டாணி, உருளைக்கிழங்கு மற்றும் ஆப்பிள் போன்ற பயிர்களின் உற்பத்தியை நேரடியாக பாதிக்கும்" என்று ஹிமாச்சல் கிசான் சபாவின் மாநிலத் தலைவர் குல்தீப் சிங் தன்வார் கூறினார். பற்றாக்குறைக்கு விரைவில் பேச்சுவார்த்தை நடத்தப்படும் என்று ஹிம்ஃபெட் தலைவர் கணேஷ் தத் உறுதியளித்தாலும், மாநில விவசாயிகள் நிலைமையை சமாளிப்பது கடினம்.
பீகார், டெல்லி போன்ற மாநிலங்களிலும் இதே நிலைதான் தெரிகிறது. டெல்லி விவசாயிகள் ஒவ்வொரு ஆண்டும் அக்டோபர் தொடக்கத்தில் கடுகு விதைக்கத் தொடங்குவார்கள். கடுகு எப்போதும் அக்டோபர் 15 வரை விதைக்கப்படுகிறது மற்றும் கோதுமை நவம்பர் மாதத்தில் விதைக்கப்படுகிறது. அண்டை மாநிலங்களில் உரத்தட்டுப்பாடு காரணமாக டெல்லி விவசாயிகளும் பெரும் சிரமத்திற்கு ஆளாகியுள்ளனர்.
“டெல்லிக்கு 10 ஆயிரம் மெட்ரிக் டன் உரம் தேவைப்படுகிறது, ஆனால் டெல்லி விவசாயிகள் இந்த உரத்தை சோனேபட்டில் இருந்து வாங்க வேண்டும். யூரியா உரத்துடன், டிஏபி உரத்தின் தேவையும் நவம்பர் மாதத்தில் மிக அதிகமாக உள்ளது. டெல்லி விவசாயிகளுக்கு குறைந்தபட்சம் 2,500 மெட்ரிக் டன் உரம் தேவைப்படுகிறது, அது கிடைக்கவில்லை,” என்கிறார் கன்சாவாலா கிராமத்தைச் சேர்ந்த விவசாயி ராஜ் தபாஸ்.
மாநிலத்திற்கு போதுமான உரம் வழங்கப்படுவதாக மத்திய அரசு கூறினாலும், புள்ளிவிவரங்கள் வேறுவிதமாக இருக்கிறது. விவசாயிகள் சந்திக்கும் இன்னல்களுக்கு மத்தியில், பீகாரில் போதுமான உரம் உள்ளது என்று மத்திய அரசு தெரிவிக்கிறது. இதற்கு பதிலளித்த மாநில அரசு, மத்திய அரசால் இதுவரை 37 சதவீத யூரியா உரம் மட்டுமே வழங்கப்பட்டுள்ளது என்று கூறுகிறது. மற்ற உரங்களின் இருப்பு குறைவாகவே உள்ளது என மாநில அரசு தெரிவித்துள்ளது.
பீகார் இன்னும் 1.68 லட்சம் மெட்ரிக் டன் யூரியாவை அதன் உரக் கிடங்குகளில் விநியோகிக்காமல் சேமித்து வைத்திருப்பதாக மத்திய அரசு தெரிவித்துள்ளது. இதற்கு பீகார் விவசாய அமைச்சர் சர்வ்ஜித்,“இந்தப் பருவத்தில் எங்களுக்கு 2,55,000 மெட்ரிக் டன் யூரியா தேவை, அதில் 37 சதவீதத்தை மட்டுமே மத்திய அரசு வழங்கியுள்ளது” என்று கூறினார்.
சில மாநிலங்களில் உர விநியோகத்தில் நெருக்கடி இருந்தபோதிலும், தெலுங்கானா, ஆந்திரப் பிரதேசம், கர்நாடகா, ஹரியானா மற்றும் உத்தரகாண்ட் போன்ற பல மாநிலங்களில் தேவை விநியோக இடைவெளி அவ்வளவு தெளிவாக இல்லை, இந்த ராபி பருவத்திற்கான உர மானியத்தை இரட்டிப்பாக்க மத்திய அரசின் முடிவினால் மட்டுமே இது சாத்தியமானது.
நடப்பு ராபி பருவத்திற்கான பாஸ்பேட்டிக் மற்றும் பொட்டாசிக் (பி&கே) உரங்களுக்கு நைட்ரஜன் (என்), பாஸ்பரஸ் (பி), பொட்டாஷ் (கே) மற்றும் சல்பர் (எஸ்) ஆகியவற்றுக்கு ரூ.51,875 கோடி மானியம் வழங்க மத்திய அமைச்சரவை ஜூலை மாதம் ஒப்புதல் அளித்தது.
ராபி பருவத்திற்கான மொத்த உர மானியம் யூரியாவுக்கு ரூ.80,000 கோடியும், ரூ.1,38,875 கோடியும், ராபி மற்றும் காரிப் பருவம் இரண்டிற்கும் மானியத் தொகை ரூ.2.25 லட்சம் கோடி. உரத்திற்கு இதுவே இதுவரை வழங்கப்பட்டதிலே இதுதான் அதிகபட்ச மானியம் என மத்திய அரசு தெரிவிக்கிறது. கடந்த ஆண்டு ரூ.1.65 லட்சம் கோடி வழங்கப்பட்டிருந்தது.
இதையும் படிங்க: மாணவர்களின் பையில் ஆணுறை, சிகரெட், கருத்தடை மாத்திரைகள்..! அதிர்ச்சியில் ஆசிரியர்கள்
